Форма входа
Читем онлайн Исцеление молитвами - Аурика Луковкина
Шрифт:
-
+
Интервал:
-
+
Закладка:
Сделать
Канон за болящего человека
* * *Песнь 1Ирмос: Пресекаемое море жезлом древле, Израиль пройде яко по пустыни, и крестообразно яве предуготовляет стези. Сего ради поим во хвалении чудному Богу нашему, яко прославися.
Запев: Милостиве Господи, услыши молитву раб Своих, молящихся Тебе.
В день печали, нашедшия на ны, к Тебе, Христе Спасе, припадающе, Твоея милости просим. Облегчи болезнь раба Твоего, изреки нам яко сотнику: иди, се здрав есть отрок твой.
Мольбы и моления с воздыханием к Тебе вопием, Сыне Божий, помилуй нас. Воздвигни со одра лежащаго, яко разслабленнаго, словом: возьми одр твой, глаголя, отпущаются ти греси твои.
Слава: Твоего, Христе, образа подобию поклоняющеся, верою целуем, и болящему здравия просим, подражающе кровоточивей, яже подольца риз Твоих коснуся, и исцеление недуга придет.
И ныне: Пречистая Госпоже Богородице, всем известная Помощница, не презри нас к Тебе припадающих, моли яко блага Своего Сына и Бога нашего, дати здравие болящему, да Тя с нами прославляет.
Песнь 3Ирмос: Иже от не сущих вся приведый, Словом созидаемая, совершаемая Духом, Вседержителю Вышний, в любви Твоей утверди мене.
Иже от тяжких болезней на земли повержен, к Тебе, Христе, с нами вопиет, подаждь здравие телеси его, яко же Иезекии плакавшуся к Тебе. Призри, Господи, на нагие смирение, и не помяни беззаконий наших, но веры ради болящаго, яко прокаженного, словом исцели ему болезнь, да Твое, Христе Боже, славится Имя.
Слава: Церковь, иже ecu освятил, на ту, Христе, не даждь поношения, но воздвигни невидимо в недузе на одре лежащаго, в нейже молимтися: да не рекут невернии, где есть Бог их.
И ныне: К Твоему пречистому, Богородице, образу руце воздеюще вопием: услыша раб Твоих молитву и спаси в болезни лежащаго, да от болезни востав, воздаст обеты, яже в печали глаголаша уста его.
Седален, глас 8-йНа одре греховнем лежаща мя, и страстьми уязвена, и якоже воздвигл ecu Петрову тещу и спасе разслабленнаго носима со одром, тако и ныне посети, Милостиве, болящаго, понесый недуги рода нашего. Тебе Единаго вемы, терпелива и милосерда, милостива врача душам и телесем, Христа Бога нашего, наводяща недуги и паки исцеляюща, подовоющо прощение кающимся о согрешениих, Единаго Милосердаго и Милостиваго.
Слава: Аз грешный плачуся на одре своем лежа, прощение ми подаждь, Христе Боже, и от болезни сея воздвигни мя, и яже есмь от юности грехи сотворил, избыти ми сих молитвами Богородицы даруй.
И ныне: Умилосердися и спаси мя, воздвигни мя от одра болезненнаго, мощь бо моя во мне изнеможе и весь нечаянием одержим есмь, Мати Божия Пречистая, исцели недугующа люте, Ты бо ecu Помощница христианом.
Песнь 4Ирмос: Положил ecu к нам твердую любовь, Господи: Единороднаго бо Твоего Сына за ны на смерть дал ecu, темже Ти зовем благодаряще: слава силе Твоей, Господи.
Уже отчаянна лютым недугом и к смерти приближившася, возврати, Христе, на живот и даждь плачущимся утеху, да вси прославляем Твоя святая чудеса.
К тебе, Творче, каемся в своих гресех, яко не хощеши смерти грешничи, оживи, уздрави болящаго, да востав послужит Ти, исповедуя с нами Твою благость.
Слава: Слезы Манассиины, Ниневитян покаяние, Давидово исповедание приим, вскоре спасл ecu, и наши молитвы ныне приими, даждь здравие болящему, о немже Тя молим.
И ныне: Подаждь нам Твою милость, Госпоже, всегда на Тя надеющимся, испроси здравие болящему, врачебнии Твои руце с Предтечею, Богородице, ко Господу Богу простирающи.
Песнь 5Ирмос: На земли Невидимый явился ecu, и человеком волею сжил ecu, Непостижимый, и к Тебе утренююще, воспеваем Тя, Человеколюбче.
Дщерь Иаирову уже умершу, яко Бог оживил ecu, и ныне возведи, Христе Боже, от врат смертных болящаго, Ты бо ecu путь и живот всем.
Сына вдовича оживив, Спасе, и тоя слезы преложив на радость, спаси от недуга тлеющаго раба Своего, да и наша скорбь и болезнь на радость приидет.
Слава: Огненну болезнь тещи Петрове прикосновением Твоим исцелив, и ныне востави болящаго раба Твоего, да востав, яко и она, послужит Ти.
И ныне: Скорбный, смирении, грешнии, не имущий дерзновения к Тебе, Пречистая Богомати, вопием: умоли Сына Своего Христа дати болящему здравие телеси.
Песнь 6Ирмос: Бездна последняя грехов обыде мя, и исчезает дух мой: но прострый, Владыко, высокую Твою мышцу, яко Петра мя, Управителю, спаси.
Бездну милосердия и милости имея, Христе Боже, услыши моления раб Твоих. Ты бо ecu Петром Тавифу воскресив, Ты и ныне в болезни лежащаго воздвигни, послушав церковных молитвенник.
Врачу душам и телесем нашим, понесый недуги всего мира, Христе, и Енея Павлом исцеливый, Ты и ныне болящаго исцели святых Апостол молитвами.
Слава: Преложи, Христе, на радость рыдание о недужнем скорбящим, да Твою получивши милость, внидут в дом Твой со обетными дарами, славяще Тя в Троице Единаго Бога.
И ныне: Приидите, о друзи, поклонимся молящеся о болящем Божией Матери. Та бо имеет власть недужныя исцеляти, со безмездникома вкупе, духовным невидимо помазающе маслом.
Кондак, глас 3-й
Душу мою, Господи, во гресех всяческих, безместными деяньми разслаблену воздвигни Божественным Своим человеколюбием, яко же и разслабленнаго воздвигл ecu древле, да зову Ти спасаемы щедре Христе, даждь ми исцеление.
ИкосИже руки Своея горстию содержай концы, Иисусе Боже, Иже Отцу собезначальный и Духу Святому совладычествуя яко плотию, явился ecu недуги исцеляя и страсти очистил ecu, слепыя просветил ecu, и разслабленнаго словом Божественным совоставил ecu, сего права ходяща сотворив, и одр повелел ecu нарамо взята. Темже вси с ним воспеваем и поем: щедре Христе, даждь ми исцеление.
Песнь 7Ирмос: Прежде образу златому, персидскому чтилищу отроцы не поклонишася, трие поюще посреде пещи: отцев Боже, благословен ecu.
О, Кресте Пресвятый Христов, честное Арево Животное. Тобою смерть погибе и мертвии воскресоша, и ныне болящаго исцели и оживи, якоже при Елене умершую девицу.
Долгую и лютую болезнь Иовлю, на гноища и в червех, того молящася, словом исцелил ecu, Господи. И ныне же в церкви о болящем молим Тя: яко благ исцели невидимо молитвами Святых Твоих.
Слава: Вси вемы, яко умрети нам есть, Тебе Богу тако изволившу, но на мало время, Милостиве, здравия просим болящему, премени от смерти на живот, даждь скорбящим утеху.
И ныне: Пособствуй и помогай нашему сиротству, Богородице, Ты бо веси время и час, когда умолити Сына Своего и Бога нашего, дата болящему здравие и прощение от всех грех.
Песнь 8Ирмос: Служити Живому Богу, в Вавилоне отроцы претерпевше, о мусикийских органех нерадиша, и посреде пламене стояще, боголепную песнь воспеваху, глаголюще: благословите, вся дела Господня, Господа.
Милость покажи, Владыко, 6 болезни раба Твоего, и скоро исцели, милостиве Христе Боже, и еще смерти не предаждь су дней, да Ти покаяние воздаст. Сам бо рекл ecu: не хощу смерти грешничи.
Господи милостиве, Твоя преславная чудеса да и до нас ныне достигнут: бесы прожени, недуги погуби, раны исцели, болезни уврачуй, и потворы и чародеяния и всякая язи избави ны.
Слава: Запретивый, Христе, морским ветром, и страх ученик на радость преложивый, и ныне запрети тяжким болезнем, труждающим раба Твоего, да в си возвеселимся хваляще Тя во веки.
И ныне: Избави, Богородице, от обышедших ны печалей, различных недуг, отравы же и чародейства, и бесовскаго мечтания, и от навета злых человек и от напрасныя смерти, молимтися.
Песнь 9Ирмос: На Синайстей горе виде Тя в купине Моисей, неопально огнь Божества заченшую во чреве: Даниил же Тя виде гору несекомую, жезл прозябший, Исаиа взываше, от корене Давидова.
Источниче жизни подателю Христе, милости, не отврати лица Твоего от нас. Облегчи болезнь утружденному болезнию, и воздвигни яко Фаддеем Авгаря, да присно Тебе славит со Отцем и Святым Духом.
Евангельскому верующе гласу, Твоего ищем обета, Христе: просите, бо рече, и дастся вам. Тем и ныне предстояще молим Тя, востави со одра здрава лютым повержена недугом, да Тя с нами вкупе величает.
Слава: Мучимый недугом, внутрь невидимыми ранами, Тебе, Христе, с нами вопием: не нам, Господи, не нас ради, вси бо исполнены грехов, но Матерними Твоими и Предтечевыми молитвами даждь исцеление болящему, да Тя вси возвеличим.
И ныне: Божия Мати Пречистая, со всеми Святыми призываем Тя, со Ангелы и Архангелы, с пророки и патриархи, со Апостолы, с преподобными и праведными молитися Христу Богу нашему дата здравие болящему, да Тя вси величаем.
На этой странице вы можете бесплатно читать книгу Исцеление молитвами - Аурика Луковкина бесплатно.
Похожие на Исцеление молитвами - Аурика Луковкина книги
- Компьютер и здоровье - Надежда Баловсяк - Здоровье
- Магия здоровья волос - Аурика Луковкина - Здоровье
- Рецепты Болотова на каждый день. Календарь на 2014 год - Борис Болотов - Здоровье
- Курс выживания для больного - Аурика Луковкина - Здоровье
- Что надо знать до брака и в браке - Анатолий Станков - Здоровье
- Зелень для жизни. Реальная история оздоровления - Виктория Бутенко - Здоровье
- Система Осьмионика. Самомоделирование осанки. Коррекция верхней половины тела - Наталия Осьминина - Здоровье
- Рак практика исцеления и профилактика. Лечение ядами - Марк Жолондз - Здоровье
- Болезни глаз и восстановление зрения - И. Исаева - Здоровье
- Целительный свет. Избавляемся от всех болезней за 20 минут в день - Анна Чуднова - Здоровье
